Barcelona ta ci Real Madrid 2-1 a wasan mako na 26 a gasar
La Liga da suka kara a Camp Nou ranar Lahadi.
Real ce ta fara cin kwallo a minti na tara da fara wasa, bayan
da dan kwallon Barcelona, Ronald Araujo ya ci gida.
Daf da za su je hutu Barcelona ta farke ta hannun Sergi
Roberto, an kuma kusan tashi daga fafatawar ta kara na biyu ta
hannun Franck Kessie
Da wannan sakamakon Barcelona ta ci gaba da zama ta daya
a kan teburin La Liga da maki 68, Real Madrid ce ta biyu mai
56, kenan da tazarar maki 12 tsakani.
Wannan shine karo na hudu da suka fuskanci juna daga biyar
da za su buga a tsakaninsu a wasannin Sifaniya a bana.
Real Madrid ta fara cin Barcelona 3-1 a gasar La Liga cikin
Oktoban 2022 a La Liga a Santiago Bernabeu.,
Sai dai Barcelona ta lashe Sifanish Super Cup a Saudi Arabia a
cikin watan Janairu da cin 3-1 a kan Real Madrid.
Haka kuma Barcelona ta ci Real Madrid 1-0 a wasan farko na
daf da karshe a Copa del Rey da suka buga a Santiago
Bernabeu a farkon makon watan Maris.
Ranar 5 ga watan Afirilu, Barcelona za ta kara karbar bakuncin
Real Madrid a wasa na biyu na daf da karshe a Copa del Rey a
Nou Camp.
Real Madrid wadda ta lashe UUefa Super Cup da Fifa World
Club Cup a bana ta kai daf da na kusa da na karshe a
Champions League.
Wadda ita ke rike da kofin bara na 14 jimilla za ta kece raini da
Chelsea gida da waje a cikin watan Afirilu.
Barcelona za ta je gidan Elche a wasan mako na 27 a La Liga
ranar 1 ga watan Afirilu.
Ita kuwa Real Madrid za ta karbi bakuncin Real Valladolid ne
ranar 2 ga watan Afirilu a fafatawar mako na 27 a La Liga a
Santiago Bernabeu.
