Manchester United na shirin dauko Joao Palhinha, dan wasan
tsakiya mai shekara 27 daga Fulham a kakar wasa mai zuwa,
sai dai kungiyoyi kamar Arsenal da Chelsea da Liverpool da
Newcastle da kuma Tottenham na sa ido kan dan kasar
Portugal din. (Sun)
Ana ganin Liverpool ce ta fi nuna sha'awar sayen Palhinha
daga Fulham. (Mail)
Dan wasan Belgium Romelu Lukaku na son yin zamansa a
Inter Milan bayan da wa'adin zamansa na aro ya kawo karshe,
sai dai kungiyar ta Italiya ba za ta iya ci gaba da biyan
albashinsa ba ga shi kuma kocin Chelsea Graham Potter bai
saka shi cikin 'yan wasan da yake son yin aiki da su ba. (Mail)
Paris St-Germain ta bi sahun Chelsea da Manchester United
wajen farautar Victor Osimhen, dan asalin Najeriya kuma dan
wasan gaba na Napoli mai shekara 24. (Nicolo Schira)
Inter Milan za ta sake kokarin sayen Victor Lindelof daga
Manchester United a karshen wannan kakar wasan bayan da ta
gaza cimma yarjejeniya da United kan dan kasar Sweden din
mai buga wasa a baya, kuma mai shekara 28 a watan Janairun
da ya gabata. (Sun)
