'Yan wasan Real Madrid 13 aka gayyata tawagoginsu, domin
buga wa kasashensu tamaula a makon nan da na gobe.
A cikin makon nan za a buga wasannin neman gurbin shiga
gasar nahiyar Turai da na Afirka da kuma wasannin sada
zumunta.
Wadanda aka gayyata sun hada da Carvajal da Nacho da
kuma Ceballos daga Sifaniya, Courtois daga Belgium,
Camavinga da Tchouameni daga Faransa.
Wasannin da za a buga a makon nan da na gobe
Kociyan tawagar Sifaniya ya gayyaci Carvajal da Nacho da
kuma Ceballos, domin buga fafatawar neman shiga Euro 2024.
Courtois zai buga wa Belgium wasan shiga European
Championship rukuni na shida ranar Juma' a da Sweden kwana
hudu tsakani da Jamus a wasan sada zumunta.
Camavinga da Tchouameni za su buga wa Faransa wasannin
shiga UEFA EURO 2024 da za ta kara da Netherlands a Faransa
da kuma Ireland a Dublin Arena.
Luka Modrić zai yi wa Croatia wasannin neman gurbin shiga
European Championship a fafatawa da Wales ta ziyarci Turkey.
David Alaba yana cikin 'yan wasan Austria da za su buga mata
wasa biyu a neman gurbin shiga Euro 2024 da za ta fafata da
Azerbaijan da kuma Estonia.
Tawagar Ukraine ta gayyaci Lunin , domin ya buga mata wasan
da za ta yi da Ingila a neman gurbin Euro 2024.
Brazil ta gayyaci Vini Jr da Militão da kuma Rodrygo, domin su
yi mata wasan sada zumunta da Morocco ranar Asabar.
Valverde zai buga wa Uruguay wasan sada zumunta da za ta
buga da Japan da kuma South Korea.
Real Madrid Kwallon kafa Wasanni
Me ya sa za ku iya aminta da BBC
Sharuddan yin amfani
A game da BBC
Ka'idojin tsare sirri
Ka'idoji
Tuntubi BBC
AdChoices / Do Not Sell My
Info
© 2023 BBC. BBC ba za ta dauki alhakin abubuwan da wasu
shafukan daban suka wallafa ba. Karanta hanyoyin da muke bi
dangane da adireshin waje.
GETTY IMAGES
Spain da Norway ranar Asabar 25 ga watan Maris
Scotland da Spain Talata 28 ga watan Maris
Sweden da Belgium Juma'a 24 ga watan Maris
Jamus da Belgium Talata 28 ga watan Maris
Faransa da Netherlands Juma'a 24 ga watan Maris
Ireland da Faransa ranar Litinin 27 ga watan Maris
Croatia da Wales Asabar 25 ga watan Maris
Turkey da Croatia Talata 28 ga watan Maris
Austria da Azerbaijan Juma'a 24 ga wayan Maris
Austria da Estonia ranar Litinin 27 ga watan Maris
Ukraine da Ingila Lahadi 26 ga watan Maris
Morocco da Brazil Asabar 25 ga watan Maris
Japan da Uruguay Juma'a 24 ga watan Maris
South Korea da Uruguay Talata 28 ga watan Maris